ជាការពិតណាស់ នៅក្នុងចំណងមិត្តភាព គឺតែងតែមានទៅមានមក មិនអាចមានតែទៅ ឫក៏មានតែមករហូតនោះទេ។ ប៉ុន្តែសួរថា តើអ្វីទៅជាមិត្តភាពយ៉ាងពិតប្រាកដនោះ? តើអ្វីខ្លះទៅ ដែលនាំឲ្យមិត្តភាពរបស់អ្នក គឺជាមិត្តភាពដ៏ល្អមួយនោះ? សូមទៅមើលចំនុចសំខាន់ៗ មួយចំនួនខាងក្រោមនេះ ដែលអាចបញ្ជាក់ថា មិត្តភាពរបស់អ្នកជាមិត្តភាពល្អប្រសើរមួយ៖
១) មនុស្សម្នាក់ៗសុទ្ធតែត្រូវការភាពរីកចម្រើន
ពួកយើងសុទ្ធតែរស់នៅលើពិភពលោកតែមួយជាមួយគ្នា ហើយក៏មិនដែលមានវាសនាមនុស្សពីរនាក់ដែលដូចគ្នានោះទ្បើយ។ មនុស្សរីកចម្រើនតាមលក្ខណៈខុសៗគ្នា។ ដូច្នេះហើយ ប្រសិនបើមិត្តរបស់អ្នកត្រូវចាកចេញដើម្បីផលប្រយោជន៍របស់គេ អ្នកគួរតែឲ្យគេទៅចុះ។
២) អ្វីៗគឺធម្មតាសម្រាប់មិត្តភាពអ្នក
នៅពេលដែលអ្នកនៅជាមួយមិត្តរបស់អ្នក អ្នកពុំចាំបាច់ត្រូវការគម្រោង ឬផែនការអ្វីទ្បើយ។ អ្វីៗគឺកើតឡើងឯកឯងរវាងអ្នកទាំងពីរ។ អ្នកទាំងពីរក៏មិនប្រកាន់រវាងគ្នានិងគ្នាដែរ។
៣) អ្នកគិតពីគ្នា
អ្នកប្រហែលជាអ្នកជាប់រវល់នឹងការងាររបស់អ្នក ហើយមិនសូវមានពេលទាក់ទងគ្នា។ បើទោះជាយ៉ាងណាក៏ដោយ អ្នកនៅតែគិតពីមិត្តរបស់អ្នក ហើយសង្ឃឹមថាអ្វីៗនឹងប្រសើរឡើងសម្រាប់គេ។
ប្រភព៖ Lifehack
ប្រភព៖ Lifehack