វ៉ា ឆៃងីម

កុំខ្វល់ខ្វាយច្រើនពេកចំពោះអ្វីដែលអ្នកដទៃយល់ឃើញ និងគិតចំពោះយើង ពីព្រោះនៅទីបំផុតនៃជីវិត គ្មាននរណាម្នាក់ដែលបន្តដំណើរទៅកាន់ភពថ្មីជាមួយយើងទេ។ សូមដើរតាមក្ដីសុបិនរបស់ខ្លួន ហើយសូមធ្វើវាដោយរីករាយចុះ។ កុំខ្វល់ច្រើនពេក វាគ្មានន័យអ្វីទេ នៅទីបំផុតអ្វីដែលមានន័យសម្រាប់យើង គឺយើងបានធ្វើអ្វីដែលខ្លួនឯងស្រលាញ់ពេញចិត្តហើយមិនប្រាស់ចាកពីសិលធម៍សង្គម ជិវិតខ្ញុំអាចទទួលស្ដាប់បានគ្រប់រឿង រីករាយទទួលយកចំពោះការអប់រំ ចំនុចមិនល្អខ្ញុំមានសមត្ថិភាពអាចវិភាគបាន ខ្ញុំមិនមានមេរោគកំហឹងនៅក្នុងចិត្តនេះជាក្ដីសុខផ្លូវអារម្មណ៍មួយដែលខ្ញុំអាចធ្វើបាន អរគុណសម្រាប់ការកែលម្អខ្ញុំទទួលយកបាន ។

  ដោយសារតែយើងមិនអាចដឹងបានថា ថ្ងៃណាជាថ្ងៃចុងក្រោយរបស់យើងនៅលើផែនដីនេះ ទើបយើងត្រូវតែប្រញាប់ធ្វើអ្វីៗទាំងអស់នៅថ្ងៃនេះ ពេលឥឡូវនេះ។ យើងមិនអាចពន្យាពេលបានឡើយ ពីព្រោះថ្ងៃដែលនៅសល់សម្រាប់យើងដើម្បីរស់នៅ វាអាចនឹងខ្លីជាងអ្វីដែលយើងធ្លាប់បានគិតទៅទៀត។

ពេលឡើងដល់ភ្នំមួយដ៏អស្ចារ្យ យើងនឹងឃើញថា មានភ្នំជាច្រើនទៀតដែលស្រស់ស្អាតត្រូវឡើង ដូច្នេះត្រូវសមជើងវឹកហាត់បន្ត (Stay Hungry) ព្យាយាមឡើងទៅកាន់ទីខ្ពស់ យើងនឹងឃើញភាពស្រស់កាន់តែច្រើន ទោះបីនៅទីនោះរងខ្យល់ខ្លះៗ តែក៏ល្អបើយើងអាចទប់លំនឹងបាន..[...]។

កុំទម្លាប់សាងកំហុសដដែលៗ ជាមួយរឿងដដែលៗ កុំអាងគេអភ័យទោសឲ្យ ហើយអ្នកក៏គិតថាគ្មានរឿងអ្វី។ រាល់សកម្មភាពរបស់អ្នកគឺត្រូវបានកត់ត្រាទុក ទាំងរឿងល្អៗនិងរឿងមិនល្អរបស់អ្នក ហើយថ្ងៃណាមួយអ្នកនឹងសោកស្ដាយ ពេលបាត់បង់ឱកាសដោយសារកំហុសដដែលៗរបស់អ្នក ។ ខ្មៅដៃនិងជរ័លុប ពេលខ្លះជរ័លុប ក៏មិនអាច លុបការសរសេរខុសបានរហូតដែរថ្ងៃណាមួយ ជរ័លុប ក៏បាត់ទៅព្រោះតែ ព្យាយាមលុបរាល់គ្រប់កំហុសឆ្គងរបស់អ្នករហូត ...តែពេលខ្លះខ្មៅដៃត្រូវកាច់ចោលតែម្ដងព្រោះសរសេរខុសច្រើនពេក ។